شبکه اطلاع رسانی اســـلامـی اصلاح آنلاین

تغیرات آخر و عمومی وبسایت در روز (چهار شنبه) ساعت ( 09:34 شب) در تاریخ ( 03/سنبله/1389 )

امريکايي قوماندان : افغانستان کې د پوځونو زياتوالی حالت نور هم خرابوي

منبع اصلاح آنلاین

 د امريکايي ځواکونو ستر قوماندان ډېوډ پټريوس تېره ورځ مازیګر د امريکايی ځواکونو په يوه څېړنيز مرکز کې اعتراف وکړ ، چې په افغانستان کې د دوی د ځواکونو زياتېدل حالت له بد بدتر کړی دی

د امریکاِِیی رسنيو د راپورونو له مخې ډېوډ پېټريوس زياته کړه ، چې په تېرو دوو کلونو کې د افغانستان وضع له يوې ورځې بلې ته خرابېږي ، آن تر دې حده چې يواځې په تېره اوونۍ پر امريکايي او دولتي ځايونو ۴۰۰ حملې شوي دي ،

جنرال پټريوس ومنله چې د ګرمۍ په پیل کېدو به په  افغانستان کې مېشت اويا زره بهرنی عسکرتر سختو حملو لاندې اودا حملې له يوې ورځې بلې ته زياتېږي.

ټاکل شوې ده ، چې امريکا به ۲۱ زره نور عسکر افغانستان ته راواستوي ، او په دې ډول به  د امريکايي او ناټو ځواکونو شمېره ۹۰ زره ته ورسېږي.

امريکايي رسنيوویلې چې په افغانستان کې را ولاړ شوي مقاومت اوس ناټو او امريکا د محاصرې په ډول راګېر کړې ده  او همدارنګه د افغانانو سره د بهرنیو ځواکونو بد چلند او ړنده بمباري ددې باعث شوې ده چې د افغانستان د مرکزي دولت پرخلاف د خلکو کرکه ورځ په ورځ زياته او دولت ضعيف شي.

د لويديځو هېوادونو ناوړه سياست ددې لامل شوی دی ، چې په افغانستان کې خلک د خپل ځان پر خلاف راوپاروي او خپل مخالفين زيات کړي ، آن تر دې چې لويديځ هېوادونه اوس په افغانسان کې دومره مغروره شوي چې د افغان دولت پر هغو خبرو چې د عامو خلکو د وژنې مخنيوی دې وشي غوږ هم نه ګروي.

+ نوشته شده در  یکشنبه 1388/03/24ساعت   توسط امید خان  |